په وېکټوریا، سویلي آسټرالیا او نیو ساوت وېلز ایالتونو کې له خلکو غوښتل شوي چې د طوفانونو لپاره چمتووالی ونیسي. د دغو ایالتونو په ځینو برخو کې د ۲۰۰ ملي متره باران او سیلابونو په اړه خلکو ته خبرداری ورکړل شوی.
د وېکټوریا ایالت، د سواټس سیمې اوسېدونکو ته له ۱۵۰ څخه تر ۲۰۰ ملي متره پورې باران خبرداری ورکړل شوی دی.
چارواکو د دوشنبې په لومړیو ساعتونو کې د ختیځ بینډیګو لپاره د سیلاب خبرادری خپور کړی او په سیمه کې یې له خلکو غوښتي چې سمدلاسه د سیلاب له اوبو څخه لرې شي.
د وېکټوریا ترڅنګ د نیو ساوت وېلز په ځینو سیمو کې هم خلکو ته د باران په اړه خبرداری ورکړل شوی دی.
د نیو ساوت وېلز ایالت د بېړنیو خدمتونو ادارې ویاند بریټ کوشیل ويلي چې د سیلاب ژغورلو دوه ټیمونه د دغه ایالت له نورو سیمو څخه د دغه ایالت سویل ته راوړل شوي دي.
نوموړي د یکشبنې په ورځ ویلي: "په تیرو ۲۴ ساعتونو کې موږ د هوا د وړاندوینې لپاره چمتووالی نیولی دی."
په سویلي آسټرالیا کې د هوا پېژندنې ادارې وړاندوینه کړې چې د دوشنبې په ورځ به طوفانونه د ختیځو سرحدي سیمو پر لور حرکت وکړي.
زموږ د فېسبوک پاڼې له لارې د مرکو او راپورونه اورېدولو ته دوام ورکړئ.
د آسټرالیا د تازه خبرونو او په زړه پورو موضوعاتو لپاره همدا اوس زموږ ویب پاڼې ته ولاړ شئ.
که چېرې غواړئ په انګلیسي ژبه زموږ خپرې شوې مقالې ولولئ، مهرباني وکړئ دلته کلیک کړئ.
زموږ خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
