د استرالیا د پلازمېنې د حکومت لخوا خپور شوی سند ښيي چې بهرنیو ډیپلوماتانو د موټرو د پارکېنګ له قانون څخه ۴۲۳ سرغړونې کړي او شاوخوا ۶۰ زره ډالره قرضداره دي.
د اې بي سي شبکې، په خبر کې راغلي چې د روسیې هېواد ډیپلوماټانو تر ټولو زیاتې سرغړونې کړي او شاوخوا ۲۳ زره ډالره باید د اسټرالیا حکومت ته جریمه ورکړي.
له روسیې وروسته د سلواکیا، افغانستان او رومانیا ډیپلوماټانو د نورو په پرتله د پارکېنګ له قانون څخه ډېرې سرغړونې کړي.
د اسټرالیا د ډیلي مېل ورځپانې خبر ښيي چې په اسټرالیا کې افغان ډیپلوماټان دموټرو د پارکېنګ له قانون څخه د سرغړونکو په لېست کې دویم ځای لري او باید حکومت ته شاوخوا ۳۴۰۰ ډالره جریمه ورکړي.
د ډیپلوماټیک پروتوکول له مخې د پارکېنګ مسول کسان کولای شي، یو ډیپلومات د سرغړونې لپاره جریمه کړي خو محکمه نشي کولای هغه پلي کړي.
شریکول
