د آسټرالیا د لومړي وزیر انتوني البنیزي الوتکې وروسته له هغه په امریکا کې بیړنۍ ناسته کړې چې د آسټرالیا د هوايي ځواکونو (RAAF) یو غړی له طبي حالت سره مخ شو.
الوتکه چې له واشنګټن څخه آسټرالیا ته روانه و، د امریکا د میسوري ایالت په سېنټ لویس ښار کې یې بېړنۍ ناسته کړې.
د آسټرالیا د هواي ځواک د غړي ټپ، د احتمالي دماغي سکتې په توګه ارزول شوی او د درملنې لپاره په سېنټ لویس کې روغتون ته وړل شوی.
د هوايي ځواک غړی، د لومړي وزیر د شخصي عملې غړی نه دی.
د لومړي وزیر الوتکه اوس د تیلو ډکولو په حال کې ده او بېرته به آسټرالیا ته خپل سفر ته ادامه ورکړي.
البنیزي له ډونالډ ټرمپ سره د لیدو لپاره متحده ایالاتو ته سفر کړی و.
د دواړو هېوادونو مشرانو د دوشنبې په ورځ په سپینې ماڼۍ کې سره ولیدل ترڅو د سوداګرۍ، نادره منرالونو او آسټرالیا ته د ډونالډ ټرمپ د ممکنه سفر په اړه خبرې وکړي.
د اس بي اس پښتو خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
