افغان پريمير ليګ اوکتوربر مياشت کې پيليږي او دوه ځانګړو لوبغاړو هر يو کامران اکمل او محمد عرفان کريکټ بورډ ته شکايت ليک استولی او ورڅخه يې افغان ليک کې لوبيدو اجازه غوښتې.
پاکستاني لوبغاړي وايي چې دوی ته افغان پريمير ليګ کې نه لوبيدو وجه دې د پاکستان کريکټ بورډ څرګنده کړي او د پاکستاني لوبغاړو منع کول د لوبغاړو په نقصان تماميږي.
د پاکستان کريکټ بورډ وايي چې يوازې تقاعد شوي لوبغاړي کولی شي چې د افغان پريمير ليګ لوبو کې ولوبيږي.
د پاکستان کريکټ بورډ پريکړې څخه وهاب رياض، سهيل تنوير، فهيم اشرف،محمد حفيظ، کامران اکمل او افتخار احمد ته افغان پريمير ليګ کې لوبيدو اجازه نده ورکړل شوې او يواځې شاهد افريدي ته اجازه ورکړل شوې.
داچې د پاکستان کريکټ بورد يادو لوبغاړو غوښتنې ته مثبت ځواب وايي او که نه دا به راتلونکې کې څرګنده شي.
شریکول
