کرونا وايروس ټوله نړۍ کې د خلکو ورځنی ژوند اغيزمن کړی او ورځ تر بلې د مبتلا کسانو او مړينې شمير په لوړيدو دی.
مينځني ختيځ هيوادو علماوو اعلان وکړ چې جوماتونو او نورو ځايونو کې چې ډله ايز لمونځونو کيږي پر هغو ټولو بنديز لګوي ترڅو د کرونا وايروس خپريدو مخه ونيول شي.
کويټ کې د جمعې لمانځه لپاره له ممبر څخه پر مسلمانانو غږ وشو ترڅو دې خپل لمونځ کور کې وکړي او جومات ته دې نه راځي.
مينځني ختيځ ځينو نورو هيوادو هم له مسلمانانو غوښتي ترڅو دې خپل لمونځونه په کورونو کې وکړي.
بله خوا بيت المقدس جومات چارواکو له مسلمانانو غوښتي ترڅو دې خپل لمونځونه له جومات څخه بهر وکړي او جومات کې دننه د ډيرو مسلمانانو راټوليدو باندې بنديز لګول شوی.
بيا ايران هغه يواځينی هيواد چې په کوم کې چې ډير لوړ پوړي چارواکي پر کرونا مبتلا شوي.
د ولسمشر مرستيال، د کابينې وزيران، د پارلمان غړي، د سپاه پاسداران غړي او هم د روغتيا برخې کارکوونکي پر کرونا مبتلا شوي.
ايران کې ۱۰۰۰۰ کسان پر کرونا مبتلا دي او ۴۰۰ نورو بيا خپل ژوند له لاسه ورکړی.
ايټاليا کې بيا ۱۲۶۶ کسان کرونا وژلي او ۱۷۶۶۰ نور پر کرونا مبتلا دي.
امريکا او د نړۍ ځينو نورو هيوادو بيړنۍ حالت اعلان کړ ترڅو روغتيا برخې چارواکو ته لا ډير واک او اسانتياوې ورکړي چې د کرونا وايروس مخنيوي لپاره کار وکړي.
اسټراليا کې دا مهال ۲۰۰ کسان پر کرونا مبتلا دي او درې کسانو بيا خپل ژوند له لاسه ورکړی.
د نړۍ سترې سپورتي لوبې لغوه شوي او لويو کمپنيو خپلو کاريګرو ته له کور څخه کار کولو امر کړی.
