اسټراليا کې داخلي سياحت برخې ودې لپاره حکومت به د الوتنو ټکټ قيمت کې تر نيمايي کمی راولي ترڅو خلک وهڅوي چې د اسټراليا نورو ښارونو ته سفر وکړي.
د حکومت دا ګام د هوايي شرکتونو له تود هرکلي سره مخ شوی، قانتس او ويرجن اسټراليا هوايي شرکتونو د لا ډيرو الوتنو چمتوالي خبر ورکړ.
سره لدې چې د حکومت دا ګام د هوايي شرکتونو لخوا وستايل شو ولې د سياحت برخې ځينو کاروبارونو بيا د حکومت پر ياد پلان نيوکې کړي او وايي دا مرستې بسنه نه کوي.
لومړي وزير سکاټ موريسن بيا د حکومت ياد پلان پر وړاندې نيوکې رد کړي او ويلي دي چې هوايي شرکتونو ته به ۸۰۰،۰۰۰ ډالر ورکوي ترڅو خپل ټکټونو نرخ تر نيمايي راښکته کړي.
د اسټراليا حکومت د روانې مياشتې په پای کې د جاب کيپرز پيسو مرسته بندوي او نوې تګلارې له مخه به د سياحت برخې ډير کار کوونکي يو ځل بيا په کار شي.
د Flight Centre سفر او سياحت خدماتو ادارې مشر ګراهام ترنر وايي، د حکومت لخوا ۱.۲ ميليادو ډالرو مرسته به يوازې د سياحت يوې کوچنۍ برخې ته ګټه ورسوي.
ښاغلی وايي، تر هغه چې د اسټراليا دننه او هم بهر پولې پرانيستل شوي نه وي د سياحت برخې ستونزې به پر خپل ځای وي.
د حکومت لخوا ۸۰۰ زرو ډالرو مرستې له مخه ټاکل شوو ځايونو ته سفر کولو ټکټ نرخ کې تر ۵۰ سلنه کمی راوستل کيږي او اسټراليايان به وشي کولی له اپريل مياشت ۱ څخه تر جولای مياشت ۳۱ نيټې سفر وکړي او ارزانه ټکټونه وپيري.
د اسټراليا لومړی وزير سکاټ موريسن وايي، د الوتنو ټکټ نرخ کمول به نه يوازې سياحت برخې کاروبارونو سره مرسته بلکې په پراخه کچه کاروبارونو سره هم مرسته کوي.
International flights into Melbourne to resume from the 8th of April. Source: AAP
لومړی وزير داسې اټکل کوي چې د اسټراليا پولې به د روان کال اوکتوبر مياشت کې پرانيزي ولې دا يوازې يو اټکل دی او وخت سره به پر يادې موضوع پريکړه وشي.
