د تېرې یکشنبې په ورځ د پاکستان په پلازمینې اسلام اباد کې د پښتون ژغورنې غورځنګ په مخکښ غړي ګیله من وزیر د څو تنو لخوا برید ترسره شو.
له برید وروسته هغه د اسلام اباد په پېمز روغتون کې بستر وو، مګر څو ساعته وړاندې د پښتون ژغورنې غورځنګ مشر منظور پښتین د هغه مړینه تائید کړه.
ښاغلي پښتین ویلي چې د ګیله من مړی به نن سهار د پېښور له لارې خپل پلرني ټاټوبي وزیرستان ته انتقال کړي.
د ګيله من وزير جنازه سبا خاورو ته سپارل کيږي.
سره لدې چې پر ګیله من وزیر برید څلور ورځې وړاندې ترسره شوی، پولیسو تر دې دمه د دغې پېښې په تړاو څوک ندي نیولي. پولیسو ویلي چې د تورنو کسانو لټون دوام لري.
تمه کېږي چې د اسلام اباد پولیس به نن له خبریالانو سره د ګیله من وزیر د برید په اړه معلومات شریک کړي.
زموږ د فېسبوک پاڼې له لارې د مرکو او راپورونه اورېدولو ته دوام ورکړئ.
د آسټرالیا د تازه خبرونو او په زړه پورو موضوعاتو لپاره همدا اوس زموږ ویب پاڼې ته ولاړ شئ.
که چېرې غواړئ په انګلیسي ژبه زموږ خپرې شوې مقالې ولولئ، مهرباني وکړئ دلته کلیک کړئ.
زموږ خپرونه دلته پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
