د اسټراليا کريکټ ليګ چې د بيګ باش په نامه ياديږي هر کال د اسټراليايي او بهرنيو لوبغاړو په شتون کې ترسره کيږي.
راشد خان له کلونو راهيسې د اسټراليا جنوبي ايالت اډيليډ سټرايکرز لوبډلې ته لوبيږي.
د افغانستان او ايرلنډ لوبې پيليدو څخه مخکې راشد خان خپل وروستی لوبه وکړه او دوه مهم لوبغاړو سوځولو سره يې لوبه وګټله.
بيګ باش کې ۵۰ او وروستۍ لوبې ترسره کولو سره راشد خان هټرک يا درې لوبغاړي پرلپسې سوځولو ته نږدې شو ولې دريم لوبغاړی ونه سوځيده.
راشد خان دبيګ باش سږ کال لوبو کې ټول ۱۶ لوبغاړي سوځولي.
د راشد خان وروستی لوبه کې سلګونو مينه والو يې لوبغالي کې مخه ښه لپاره لاسوه وپړغول او مخه ښه وکړه.
د ډيسمبر مياشت په ۲۸ نيټه د کرېکټ نړیوالې شورا د افغانستان سپېن توپ اچوونکی راشد خان د تېرې لسیزې د شل اوریزو لوبو تر ټولو غوره لوبغاړی اعلان کړ.
د افغانستان او ايرلند لوبډلو ترمينځ درې يو ورځنې لوبې د جنورۍ مياشت په ۱۸ نيټه پيليږي، دا لوبې به د جنورۍ پر ۱۸مه، ۲۱مه او ۲۳مه ابوظبۍ کې وشي.
