ولې امريکا کې مدافعين بيا د امريکا ولسمشر ياد فرمان په اړه محکمو ته مراجعه کړې او وايي چې د ۷ اسلامي هيوادو پر وګړو د سفر بنديز مسلمانانو سره توپيري چلند دی.
امريکا کې قاضي په داسې حال کې پر مسلمانانو د سفر بنديز مخنيوی کوي چې د يو پر مختللي اسلامي هيواد حکومت بيا د امريکا له ياد بنديز څخه دفاع کوي.
د اماراتو بهرنيو چارو وزير وايي چې ياد بنديز څخه ډير اسلامي هيوادونه ندي په نښه شوي.
د اماراتو د امنيت برخې مشر هم له ياد بنديز څخه دفاع کړې.
بله خوا د عربي هيواد کويټ لخؤا هم پر ځينو اسلامي هيوادو وګړو کويټ ته د سفر بنديز لا پخوا لګول شوی.
کويټ له کال ۲۰۱۱ څخه راپديخوا د سوريه، عراق، ايران، پاکستان او هم افغانستان هيوادو وګړو باندې کويټ ته د سفر بنديز ولګاوه او د يادو هيوادو وګړي نشي کولی چې کويټ ته سفر وکړي.
د امريکا ولسمشر وايي چې امريکا ته د کډوالو راتګ برخه کې به عيسويانو کډوالو ته د مسلمانانو پر پرتله لومړيتوب ورکوي.
د امريکا بيلابيلو ښارونو کې د ياد بنديز خلاف محکمو کې شکايتونه وړاندې شوي.
