مهم ټکي
- د اسټرالیا ریزرو بانک د سود نرخ 0.85 سلنې ته لوړ کړ.
- په می مياشت کې له ريکارډ ټيټ سود نرخ څخه چې 0.1 وه له لسو کلونو وروسته د سود دا نرخ 0.35 سلنې ته پورته شو او نن بيا 0.85.
د آسټرالیا مرکزي بانک (RBA) د سود نرخ 0.85 سلنې زیاتوالی اعلان کړ. دا پداسې حال کې ده چې اسټراليا کې د انفلاسیون يا بيعو لوړوالی اوس مهال په 5.1 سلنې کې دی.
د می په میاشت کې، RBA پریکړه وکړه چې د سود نرخ 0.35 سلنې ته له 0.1 سلنې ریکارډ ټیټ څخه پورته کړي - چې دا په یوه لسیزه کې لومړی زیاتوالی په ګوته کوي.
مخکې، د فدرالي خزانې وزیر جیم چلمر خبرداری ورکړ چې دا به له بانکونو څخه قرضو اخيستونکو او کور پیرودونکو لپاره "سخته ورځ" وي.
ښاغلي چلمرز وویل چې د سود نرخ زیاتوالی به د هغو کسانو لپاره زیان وي چې دمخه د ژوند د ډیریدونکي لګښت سره مخ دي.
"دوی په ورته وخت کې د پټرولو او بریښنا او ګازو د بیو له لوړیدو سره مخ دي، نو دا به د ډیرو خلکو لپاره ستونزمنه ورځ وي."
د سود نرخ له تمې لرې ډيريدل دا په ګوته کوي چې اسټراليا کې د توکو او خدماتو نرخونو لوړوالی د انديښنې وړ مسله ده.
د ډیری اقتصاد پوهانو له تمې څخه لرې که چیرې د بانکونو لخوا په بشپړ ډول د سود نرخ ډيروالی پر مشتريانو عملي کړي نو هغوی به په میاشت کې 133 ډالر د 500,000 ډالرو پور په 25 کلونو کې، او په میاشت کې 265 ډالر د 1 ملیون ډالرو په ارزښت پور کې اضافه ورکړي.
وړاندوینې دا ده چې د راتلونکي کال تر پایه به د سود نرخ 2.5 سلنې ته لوړ شي، او که داسې وشي نو یو پور اخیستونکی چې د $ 500,000 پور اخيستی وي راتلونکي کال څخه به په مياشت کې خپل د پور تادياتو کې 652 ډالر اعضافي پيسې ورکړي.
د مصرف کونکي باور په ځانګړي توګه د مارچ له نیمایي راهیسې د ژوند فشارونو لګښتونو له امله خړوب شوی ، په ځانګړي توګه د پطرولو نرخونو لوړیدو څخه ، حتی د می په میاشت کې د RBA نرخ لوړیدو دمخه اسټراليايانو خپل لږښتونه کم کړي.
