ځانمرګي بريدګرو د سعودي عربستان پر دريو ښارونو بريد کړی او کڼ شمير کسانو ته يي مرګ ژوبله اړولی.
يو ځانمرګي د سعودي عربستان په مدینه منوره ښار کې د نبوي جومات سره نژدې چاودنه کړې ده. ياد بريد د موټرونو په تمځای کې د ساتونکو پر پوسته شوی او څلور ساتونکي وژل شوي..
د سعودي د امنيتي چارواکو په وينا بریدګر هغه مهال چاودنه وکړه چې ساتندویانو نبوي جومات ته د ننوتلو په وخت کې ودرولو.
العربیه تلویزیون د دې پېښه په اړه بیا وايي د بریدګر موخه ساتندویان وو او له دوی سره د روژه ماتي په پلمه ځان نژدې کړی وو.
نورو ځانمرګو بريدونو کې د تلفاتو په اړه څه ندي ويل شوي.
تر اوسه د بريد پړه چا پر غاړه نده اخيستې ولې دا وخت د بريد ډير شک پر دايش نومې ډلې کيږي..
شریکول
