- حکومت اسټراليا کې ميليونو کار کوونکو ته د مياشتې درې زرو ډالرو مرستې اعلان وکړ
- اسټراليا کې د کرونا مثبتو پيښو شمير له ۴۲۰۰ څخه لوړ شو
- د اسټراليا پلازمينې په ګډون بيلابيلو ايالتونو کې د کرونا ويروس له امله ۱۷ اسټراليايانو خپل ژوند له لاسه ورکړ.
بشپړ خبرونه
د اسټراليا فدرال حکومت اعلان وکړ چې د کرونا ويروس له امله بې کار شوو کسانو شمير کمولو لپاره يې د ۱۳۰ ميلياردو ډالرو اعلان وکړ.
حکومت به ټولو هغو کار کوونکو ته کومو چې کرونا ويروس له امله يې خپل کارونه له لاسه ورکړي د مياشتې ۳۰۰۰ ډالر ورکړي.
اعلان شوې پيسې به د کاروبارونو او اداره لخوا خپلو لرې شوو کار کوونکو ته ورکول کيږي.
حکومت وايي، لدې لارې به کاري ادارې او کاروبارونه خپل کار کوونکي په معاش سره رخصت کړي او حالت بيرته ښه کيدو وروسته به همدا کار کوونکي بيرته خپلو پخوانيو کارونو ته ادامه ورکړي.
د اسټراليا پلازمينه کې کرونا ويروس له امله لومړي کس څخه ژوند له لاسه ورکړ او لدې سره اسټراليا کې د مړو کسانو شمير ۱۸ تنو ته ورسيد.
د تيرې اونۍ وروستيو کې يو ۸۰ کلن سړي خپل د کنبيرا روغتون کې خپل ژوند له لاسه ورکړ.
د اسټراليا فدرال حکومت پر ګروپي ناستو او بهر ته تګ راتګ او يا هم غونډو باندې بنديز ولګاوه.
لدې وروسته پرته د کورنۍ له غړو څخه له دوو کسانو ډير نشي کولی يوځای کې راټول شي او يا هم بهر وګرځي.
حکومت وايي اسټراليايان نشي کولی چې د يو بل کورنو ته ميلمستيا لپاره لاړ شي.
د نوو محدوديتونو سرغړوونکي تر ۱۰۰۰ ډالرو جريمه کيږي.
نړۍ کې د کرنا ويروس مثبتو پيښو شمير ۷۲۵۰۰۰ ته ورسيد.
ادا ميال امريکا د نړۍ تر ټولو ډيرې مثبتې پيښې لري او ياد هيواد د کرونا ويروس د وبا په مرکز بدل شوی.
امريکا کې د کرونا مثبتې پيښې ۱۴۳۰۰۰ ته ورسيدې او ۲۵۰۰ کسانو بيا خپل ژوند له لاسه ورکړی.
بله خوا افغانستان کې د کرونا ويروس مثبتې پيښې ۱۲۰ تنو ته ورسيدې او ۴ کسان ياد ويروس وژلي.
پاکستان کې د کرونا ويروس مثبتې پيښې ۱۶۰۰ تنو ته ورسيدې او ۱۸ کسان بيا ياد ويروس وژلي.
شریکول
