د اسټراليا لومړی وزير: چين لخوا د افغان ماشوم سر پرې کولو جعلي انځور خپرول له شرم ډک عمل دی

د اسټراليا لومړي وزير سکاټ موريسن د چين بهرنيو چارو وزارت لخوا يو ګرافيک انځور خپور شوی په کوم کې چې د افغانستان او اسټراليا بيرغونو ترڅنګ اسټراليايي پوځي د يو کوچني ماشوم سر پريکول ښودل شوي.

Australian Prime Minister Scott Morrison speaks to the media during a virtual press conference at Parliament House in Canberra.

Australian Prime Minister Scott Morrison speaks to the media during a virtual press conference at Parliament House in Canberra. Source: AAP

د اسټراليا لومړی وزير سکاټ موريسن وايي، چين هيواد بايد په ټولنيزه رسنۍ کې د يو ناسم، تيري کوونکي او ځورونکي انځور خپرولو لپاره بښنه وغواړي.

د چين بهرنيو چارو وزارت وياند Zhao Lijian يو ګرافيک انځور چې په هغې کې د اسټراليايي پوځي لخوا د يو ماشوم سر پرې کول جعلي انځور شوی په ټولنيزه رسنۍ خپور کړ.

له خپور شوي انځور سره د چين بهرنيو چارو وزارت وياند ليکلي، " د اسټراليايي ځواکونو لخوا د عامو افغانانو او بنديانو قتل کولو شوک کړم."

"مونږ په کلکه دا عمل غندو او پوځيان دې مسول وګڼل شي."

د چين هيواد بهرنيو چارو وزارت د وياند دا پوسټ د اسټراليايي ځواکونو افغانستان کې د ادعا شوو جنګي جنايتونو رپوټ خپريدو سره تړاو لري.

د اسټراليا لومړي وزير له چين څخه د ياد انځور خپرولو لپاره د بښنې غوښتنه کړې او له ټويټر څخه يې غوښتي ترڅو دې خپور شوی انځور لرې کړي. 

ټويټر نن غرمه دا انځور لرې کړ.
ښاغلي سکاټ موريسن وويل، " اسټراليا خپل داسې مسايلو مخې ته وړلو لپاره ډير شفافه ده او د ياد شفافيت شاته کريډيت يا نوم بايد د هغو زرګونو اسټراليايانو ياد شي کوم چې يونيفرم کې د اسټراليا دفاع کوي."

ښاغلي موريسن وويل، " نړۍ کې به ډيرو لږو هيوادونو يادې مسلې ته لکه مونږ په شان عمل کړی وي. تاسې بايد غلط معلوماتو پر اساس مخې ته لاړ نشئ ولې دا د چين حکومت د پوسټ مرداری ښايي.

افغان جګړه کې اسټراليايي ځواکونو لخوا ادعا شوو جنګي جرمونو رپوټ خپريدو وروسته چين او روسيې دواړو پر اسټراليا سختې نيوکې کړي.

روسيې ويلي، افغانستان کې د اسټراليا پوځيانو لخوا جنګي جنايتونو د رپوټ خپريدو وروسته اوس په نړيواله کچه د اسټراليا حيثيت راټيټ شوی.
Australia is calling on China to apologise for the fake photo.
Australia is calling on China to apologise for the fake photo. Source: Supplied
د اسټراليا پوځ لخوا افغانستان کې جنګي جنايتونو رپوټ موندنو کې ادعا شوې چې د اسټراليا ځانګړو ځواکونو ۳۹ بې ګناه افغانان وژلي.

د چين او اسټراليا سياسي کړکيچ ورځ تر بلې ډيريدو حال کې دی او چين په تيرو څو مياشتو کې پر اسټراليايي توکو تعرفې هم ډيرې کړې.

د دواړو هيوادونو ترمينځ کړکيچ هغه وخت زور واخيست چې اسټراليا د نړۍ ډير شمير هيوادونه سره يوځای کړل ترځو د کرونا ويروس اصلي سرچينه معلومه کړي، بله خوا چين ورته فشار له مخه پر اسټراليايي وارداتو تعرفې لوړې کړې.


شریکول

خپور شوی په

اپډیټ شوی په

لخوا Jarni Blakkarly

Follow SBS Pashto

Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Pashto-speaking Australians.
Ease into the English language and Australian culture. We make learning English convenient, fun and practical.
Get the latest with our exclusive in-language podcasts on your favourite podcast apps.

Watch on SBS
SBS World News

SBS World News

Take a global view with Australia's most comprehensive world news service