د افغانستان او سریلانکا د کرېکټ ملي لوبډلو ترمنځ د دریو یو ورځنیو لوبو لړۍ د تېرې جمعې په ورځ په سریلانکا کې پیل شوې.
په لومړۍ یو ورځنۍ لوبه کې له ماتې وروسته، تېره شپه سریلانکا افغانستان ته په دویمه یو ورځنۍ لوبه کې هم ماته ورکړه.
په دویمه لوبه کې د پچې له ګټلو وروسته، سریلانکا د ۶ لوبغاړو په سوځېدو سره افغانستان ته د ۳۰۹ منډو هدف و ټاکه، خو افغانستان دغه هدف پوره نکړ.
د سریلانکا لپاره چاریت اسلانکا ۹۷، کوشال مېنډس ۶۱، سدیرا سماراویکراما ۵۲ او جنېت ۵۰ منډې وکړې.
د توپ اچونې په برخه کې عظمت الله عمرزي ۳، نور احمد، قیس احمد او فضل الحق فاروقي یوه یوه وېکټه ترلاسه کړه.
د توپ وهنې په برخه کې رحمت شاه ۶۳ او ابراهیم ځدران ۵۴ منډې ترسره کړې.
سریلانکا سره د یو ورځنیو لوبو له پیل مخکې د افغانستان د کرکت ملي لوبډلې لوبډلمشر حشمت الله شهیدي ويلي وه چې د یوې غښتلې لوبډلې په څیر به یو وار بیا په یو ورځنیو سیالیو کې ولوبېږي.
تر دې وړاندې دواړو لوبډلو ټیست سیالۍ ترسره کړه چې د سریلانکا په بریا پای ته ورسېده.
داوړه لوبډلې به له یوه ورځینو سیالیو وروسته درې شل اوریزې سیالۍ هم ولري.
زموږ خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
شریکول
