د اسټراليا تر ټولو لوی جومات چې يو وخت کې پکې تر ۵۰،۰۰۰ کسانو لمونځ کړی د لکيمبا په نامه يادېږي او د اسټراليا سيدني ښار کې موقيت لري.
ياد جومت ته لومړي ځل لپاره ټوله روژه کې په لوړ غږ د آذان ورکولو اجازه ورکړل شوې او حکومت وايي، دا اجازه يې له مسلمانانو سره د کويډ-۱۹ بنديزونو او محدوديتونو لپاره خواخوږي لپاره ورکړې.
په لوړ غږ د لاوډ سپيکرو له لارې آذان له چهار شنبې ورځې پيل د روژې مبارکې مياشت تر پايه به ادامه ولري. اسټراليا کې د مسلمانو لبنانيانو ټولنې مشر چې ياد جومات هم سمبالوي له اس بي اس اس عربي پروګرام سره خبرو دوران کې وويل، حکومت ورته هر ماښام تر روژې مياشت پای پورې لاوډ سپيکر له لارې د اذان ورکولو اجازه ورکړې.
د روژې مبارکه مياشت مسلمانانو ته ځانګړې ځای لري او روژې دوران کې عبادت کوونکي جوماتونو کې تراويح او هم نورو عبادتونو ته راټوليږي، ولې د سږ کال روژه ډيرو لپاره نوې بڼه لري ځکه شته محدوديتونو له وجې ډيرو اسلامي هيوادونو کې جوماتونه تړل شوي او خلکو ته کورونو کې پاتې کيدو سپارښتنه شوې.
سيدني ښار کې د مسلمانانو ټولنه وايي، د روژې مبارکې مياشت او بيا د کرونا ويروس وبا دوران کې په لوړ غږ د اذان ورکولو اجازه ځانګړی ځای لري.
اسلامي هيوادونو کې اذان په لوړ غږ او ۵ وخته کيږي، ولې بيا ډيرو غيرو اسلامي هيوادونو کې لکه اسټراليا په لاوډ سپيکر اذان کول عادي نده او نه هم تر دې مخې دومره مودې لپاره اوريدل شوی.
تيرو روژو مياشتو کې به ياد جومات ته هره شپه ۱۰،۰۰۰ کسان لمانځه او تراويح لپاره تلل، ولې اوس د کويډ-۱۹ خپريدو له ويرې ټول اسټراليا کې جوماتونه تړل شوي.
دا مهال د اسټراليا ډيرو جوماتونو امامان انلاين له لارې مسلمانانو ته د قران ختم او نور بيانونه وړاندې کوي.
