د اسټراليا د طبي خواړو ادارې نن په اسټراليا کې د کوويډ-۱۹ واکسين کارونې اجازه ورکړه او لدې سره اسټراليا کې دا څلورم واکسين دی چې پر اسټراليايانو د کارونې اجازه ترلاسه کوي.
د اسټراليا لومړي وزير دا اعلان د دوشنبې مازيګر خبرې غونډې له لارې وکړ.
د موډيرنا واکسين يو ميليون قطرې راتلونکې مياشت اسټراليا ته رسيږي او بله خوا بيا د روان کال وروستيو پورې به ۱۰ ميليونه ډوزه د موډيرنا واکسين ترلاسه شي.
دا مهال اسټراليا کې د فايزر، اسټرا زينيکا، جوهنسن اينډ جوهنسن او موډيرنا واکسينو کارونې اجازه ورکړل شوې.
موډيرنا واکسين پر شاوخوا ۱۰۰ ميليونو امريکايانو کارول شوی او د اسټراليايي چارواکو په خبر د واکسين پايلې ډيرې ښې دي.
موډيرنا واکسين پر کوويډ-۱۹ اخته کيدو او بيا د ناروغۍ نښو څخه بچ کولو برخه کې ۹۳ سلنه اغيزمن ثابت شوی.
د کوويډ-۱۹ پر سخت ډول اخته کيدو مخنيوي کې ۹۸ سکنه ګټور دی او بيا له کرونا ويروس څخه مړينې څخه ۱۰۰ سلنه مخنيوی کوي.
بله خو ځينو نورو واکسينو اخيستلو ۶ مياشتې شاوخوا وروسته بايد دريم ډوز هم واخسيتل شي ولې موډيرنا بيا له ۶ مياشتو وروسته هم ډير لوړ کيفيت سره اغيزمن اوسي.
نور معلومات وروسته.
شریکول
