اسټرليا کې ډيرو نوو مهاجرو لپاره د اسټراليا ترافيکي قوانين ځيني وخت ستونزې پيدا کوي او مونږ لدې قوانينو څخه ناپوهی له وجې سر غړونه کوو او له جريمو سره مخ کيږو.
تاسو ته مو ځيني قوانين راخيستي چې کيدای شي تاسو يې په اړه معلومات نه لری.
اسټراليا کې الکهولو څښلو وروسته د موټر چلول تاسو له درنې جريمې سره مخ کولی شي
اسټراليا يو له هغو هيوادونو څخه دی کوم چې د الکهولو څښلو وروسته د موټر چلول ځيني محدوديتونه لري.
دا مهال که تاسې د اسټراليا موټر چلولو بشپړ لايسنس لرئ نو د الکهولو اندازه بايد ۰.۰۵ وي بيا د موټر زده کوونکو يا leaners او Probationary لايسنس لرونکي بايد موټر چلولو وخت کې ۰.۰۰ ولکهول ولري.
موټر چلولو وخت کې موبايل په لاس کې نيول او پرې خبرې کول او يا پيغام استول غير قانوني ده
که تاسې له موبايل لاس کې ونيسئ او حتی هغه لوډ سپيکر باندې ايښودل او خبرې کول غير قانوني عمل دی.
که تاسې خپل موټر کې په ترافيکي څراخونو کې انتظار هم باسئ نو خپل موبايل نشئ کارولئ او نه يې په لاس کې نيولی شئ.
که تاسې موټر چلولو وخت کې له موبايل کارونې سره ونيول شئ نو ۳۹۷ ډالر جريمه کيږئ او د لايسنس ۴ پواينټونه له لاسه ورکوئ.
که چيرې ترافيکي څراخونو ته رسيدو سره د څراخونه رنګ نارنجي شي او تاسې دريدو وخت ولرئ او بيا هم له څراخونو تير شئ دا غير قانوني ده
ويکټوريا او نيو ساوت ويلز ايالتونو کې که تاسې له نارنجي رنګه ترافيکي څراخونو څخه تير شئ تاسې داسې جريمه کيږي لکه سور رنګ څراخ څخه تير شوي اوسئ.
نيو ساوت ويلز کې تاسې ۳۹۷ ډالر جريمه کيږئ او د لايسنس درې پواينټونه له لاسه ورکوئ.
وکټوريا ايالت کې بيا ۲۸۲ ډلر جريمه کيږئ او د لايسنس درې پواينټونه له لاسه ورکوئ.
ترافيکي نښې STOP سره بشپړ ډول سره نه دريدل غير قانوني عمل دی
کله چې تاسې موټر چلولو وخت کې STOP نښه ګورئ نو بايد بشپړ ډول سره خپل موټر ودروئ.
STOP معنی بشپړ ډول سره دريدل دي او د پوليسو په وينا دا نښه پدې معنی نده چې تاسې دريدو پرته له يادې نښې څخه تير شئ. معنی داچې ستاسو موټر بشپړ ډول سره ودرول شي او د موټر ټيرونه مو حرکت ونه کړي.
که دا نښه او قانون مراعت نه کړئ، ويکټوريا ايالت کې ۲۸۲ ډالر جريمه کيږئ او لايسنس ۳ پواينټونه له لاسه ورکوئ.
نيو ساوت ويلز ايالت کې بيا ۲۹۸ ډالر جريمه کيږئ او لايسنس ۳ پواينټونه له لاسه ورکوئ.
موټر چلولو وخت کې هورن وهل او له موټر څخه لاس بهر کول او له چا سره خدای په اماني کول غير قانوني ده
موټر چلولو وخت کې هورن وهل او له کړکۍ لاس بهر کول او له چا سره خدای په اماني کول تاسې درنې جريمې سره مخ کولی شي.
نيو ساوت ويلز کې تاسې ۶۰۰ ډالر جريمه کيږئ او د لايسنس ۳ پواينټونه له لاسه ورکوئ.
ويکټوريا ايالت کې بيا ۲۸۲ ډالر جريمه کيږئ او لايسنس پواينټونه له لاسه نه ورکوئ.
موټر چلولو وخت کې په خپل غيږ کې کورني څاروي لکه سپی او پيشو کينول غير قانوني ده
نيو ساوت ويلز ايالت کې ۳۹۷ ډالر جريمه کيږئ او د لايسنس درې پواينټونه له لاسه ورکوئ.
ويکټوريا ايالت کې ۲۱۱ ډالر جريمه کيږئ او د لايسنس پواينټ له لاسه نه ورکوئ.
