کرونا ويروس له امله د کريکټ نړيوال جام ځنډيدل او بيا هند کې د کرونا ويروس پر وړاندي د حکومت سخت تدابير د کرکټ نړيواله شورا اړ کړه ترڅو ياد جام په بل هيواد کې ترسره کړي.
د سه شنبې په ورځ د جون مياشت پر ۲۹ نيټه د کريکټ نړيوالې شورا اعلان وکړ چې د کريکټ راتلونکی ۲۰ اوريز جام به په عرب اماراتو او عمان هيوادونو کې پر مخ اچول کيږي.
دا پريکړه له هغه وروسته وشوه چې هند کې کرونا ويروس له وجې رامينځته شوي حالت له وجې دا ډاډ نشي ترلاسه کيدلی چې ايا د کريکټ نړيوال جام به ياد هيواد کې پر وخت ترسره شي او که نه.
په پام کې وه چې ۲۰۲۰ کال کې شل اوريز نړيوال جام اسټراليا کې ترسره شي ولې کويډ-۱۹ له امله ۲۰۲۰ کال کې نړيوال جام ترسره نشو او دوه کاله وروسته به اسټراليا په۲۰۲۲ د ياد نړيوال جام کوربه توب وکړي.
نور جزيات وروسته وړاندې کيږي.
شریکول
