This article is more than 2 years old
Investigation
اسټراليا کې د کرايي کورونو ستونزې: يوه زده کوونکې له بيګانه شخص سره بستر شريکوي
اسټراليا کې دا مهال د کورونو کرايه کوونکي د سخت اقتصادي فشار سره مخ دي. يو خوا د ورځني ژوند لږښت کې د پام وړ ډيروالی او بله خوا د کرايي کورونو کرايو لوړوالی خلک له ګڼو ستونزو سره مخ کړي. اس بي اس نيوز ته له بهر څخه راغلی يوې زده کوونکې ويلي، هغه له بل نا معلوم شخص سره بستر شريکوي ځکه د د کوټې ټوله کرايه نشي ورکولی.
خپور شوی په
لخوا Sandra Fulloon
وړاندې کوونکی SBS Pashto
سرچینه: SBS
Image: Priyanka and the bed she shares in Melbourne. (SBS)
پريانکا چې دا يې اصلي نوم ندی يوه ۱۹ کلنه زده کوونکی ده چې له بهر څخه اسټراليا ته زده کړې لپاره راغلې.
اغلې ملبورن ښار کې په يوه کور کې يوه کوټه له بل شخص سره په ګډه کرايه کړې، او د کوټې بستر له بل چا سره شريکوي.
د ورځې لخوا د هغې بستر يو بل شخص کاروي او بيا شپې لخوا يې پريانکا کاروي.
د بستر شريک يې د لارۍ چلوونکی دی چې شپې لخوا کار کوي.
اسټراليا کې دې جوړجاړي يا عمل ته hot-bedding وايي.
دا دوه کسان له هند څخه زده کړې لپاره اسټراليا ته راغلي، د کوټې مياشتي کرايه يې ۵۵۰ ډالر ده او په کور کې د نورو کوټو اوسيدونکي هم لارۍ ډريوران دي.
اغلې وايي، “اسټراليا ته راتګ سره ما هيڅکله داسې سوچ نه کاوه چې دا حالت تجربه کړم، د ورځني ژوند لږښت ډير لوړ دی او ماته راتګ څخه مخکې زما اجنټ دې په اړه نه و ويلي.“
The bed Priyanka shares. Source: Supplied / 'Priyanka'
د تیر کال په پرتله په ملي کچه کرایه ۶.۳ سلنه لوړه شوې ده.
په میلبورن کې، په منځنۍ ساحه کې د دوه کوټې، 85 مربع متره اپارتمان لپاره د اونۍ منځنۍ کرایه ۴۲۰ ډالر ده، ولې بيا د سیډني اوسیدونکي همداسې يو اپارتمان ته ۵۷۸ ډالر کرايه ورکوي چې دا ۳۶ سلنه ډيروالی ښايي.
پریانکا وايي، د کرایې تر څنګ د خوراکي توکو او ټرانسپورټ لګښتونو د پوره کولو لپاره هم له ستونزو سره مخ ده.
پريانکا لپاره هغه بستر چې هغه د بل کرایه کونکي سره شریکوي د اونۍ پای ورځو يا رخصتۍ کې بيا شتون نلري.
"کله چې هغه موټر نه چلوي، ځکه چې دا د هلکانو کور دی، زه ګراج ته ځم، هلته د توشک لپاره یو کوچنی ځای دی او زه هلته ویده کیږم."
په پیل کې، پریانکا د میلبورن په پوهنتون کې د بشپړ وخت نرسینګ درجې زده کړې کولی او د هغې ترڅنګ يې په يو ګودام کې کار کوو، ولې مارچ مياشت څخه له هغه کاره شړل شوې ځکه د اسټراليا حکومت د بهرنيو زده کوونکو کاري ساعتونه محدود کړل.
اغلې وايي، اقتصادي ستونزو له امله يې زده کړې ندي بشپړې کړي.
Priyanka says she struggles to pay rent. Source: SBS / Scott Cardwell
د پخواني حکومت پر مهال، نړیوالو محصلینو ته د زده کړې پر مهال په هره اونۍ کې تر ۴۰ ساعتونو پورې ساعتونه ورکول کيدل ځکه دا ساعتونه د کوويډ-۱۹ له امله رامينځته شوی کاري تشې ډکولو لپاره ساعتونه ډير شوي ول.
دا ډيريښت لنډمهاله وو او د جولای ۱ نيټې څخه دا بيرته پخواني حالت ته يعنې په اونۍ کې ۲۴ ساعتونو ته راټيټيږي.
محدودیت ورکړل شوی و، خو د کوویډ-۱۹ ناروغۍ پر مهال د کاري ځواک کمبود ته د رسیدو لپاره دا کیپونه په موقتي ډول لیرې شول.
د اسټراليا د کورنيو چارو وزيرې کلير اونيل د ياد بدلون اعلان پر مهال وويل، اسټراليا ته زده کوونکي زده کړې لپاره راځي، او ټاکل شوي ساعتونه زده کړې او کار کول دواړو لپاره مناست دي.
روان کال اسټراليا کې زده کړې لپاره ۶۰۰،۰۰۰ بهرني زده کوونکي راغلي چې له هغو څخه ۹۰،۰۰۰ يې يوازې له هند څخه دي.
د روان کال جولای مياشت وروسته تمه کيږي زرګونه نور زده کوونکي اسټراليا ته زده کړې لپاره راشي.
شریکول
Listen to our podcasts
Independent news and stories connecting you to life in Australia and Pashto-speaking Australians.
Ease into the English language and Australian culture. We make learning English convenient, fun and practical.
Get the latest with our exclusive in-language podcasts on your favourite podcast apps.
Watch on SBS
SBS World News
Take a global view with Australia's most comprehensive world news service
