پاکستان د نړۍ يو له هغو هيوادونو څخه دی چې د کريکټ ډير مينه وال لري او هم په کريکټ نړيوالې شورا کې مهم ځای لري.
د اسټراليا کريکټ لوبډله دا مهال پاکستان کې ده او له سختو امنيتي تدابيرو سره د پاکستان کرکټ لوبډلې سره د ځينو لوبو ترسره کولو پلان لري.
په کال ۲۰۰۹ کې کله چې د سريلانکا کريکټ ملي لوبډله د پاکستان په سفر وه د اورپکو لخوا تر بريد لاندې راغله او ۱۲ وسله والو په لاهور ښار کې د سريلانکا لوبغاړو پر بس بريد وکړ.
پاکستان کې له ډير ځند وروسته دا لومړی ځل دی چې يوه بهرنۍ کريکټ لوبډله ياد هيواد ته سفر کوي او هلته لوبې ترسره کوي.
د اسټراليا الراونډر اشټون اګر مېرمنې ته يو انلاين ګواښ د حکومتي امنيتي ادارو له خوا څېړل کيږي.
اشټون دا مهال پاکستان کې دی او بيا ميرمن میډیلین اګر ته په انسټاګرام کې یو ځورونکی پیغام لیږلی شوی.
په ياد پيغام کې پاکستان ته تللي اسټراليايي لوبغاړي اشټون ژوند خطر کې ښودل شوی او د هغه خونديتوب خبرداری ورکړی.
د اسټرالیا لوبډله د یکشنبې په ورځ راولپنډۍ ته ورسیده چې د سیریز لومړۍ ټیسټ لوبه به د جمعې په ورځ پیل شي.
داسې ویل کیږي چې دا پیغام د جعلي اکاونټ څخه لیږل شوی و، چې غالبا د پاکستان څخه بهر د چا لخوا لیږل شوی، او چارواکي باور نه کوي چې دا یو باوري ګواښ دی.
په پیغام کې خبرداری ورکړل شوی چې د اشتون ژوند به په پاکستان کې له خطر سره مخ وي او د نومړي جوړه ماشومانو ته یې هم ګواښونه کړي چې اصل کې اشټون جوړه ماشومان نه لري.
د کرېکټ اسټرالیا په یوه بیان کې راغلي، "کرېکټ اسټرالیا د ټولنیزو رسنیو له یوه پوسټ څخه خبر دی، چې نوعیت او منځپانګه یې د PCB، CA او ګډو حکومتي امنیتي ادارو لخوا څېړل شوې ده."
"د دې ډول ټولنیزو رسنیو فعالیت لپاره پراخ امنیتي پلانونه شتون لري، کوم چې پدې حالت کې، خطر نه ګڼل کیږي.
په ۲۰۰۹ کال کې په لاهور کې د سریلانکا د لوبډلې پر بس د ترهګرو له خوا تر برید وروسته له یوې لسیزې راهیسې په پاکستان کې نړیوال کرکټ نه دی ترسره شوی.
CA د دې سفر لپاره جدي احتیاطي تدابیر نیولي دي، د هوټل څخه بهر چيرې چې اسټراليايي لوبغاړي ديره دي د محافظت لپاره سخت امنيتي تدابير نيول شوي.
د پاکستان او اسټراليا ترمينځ د ټيسټ لومړی لوبه په راولپنډي کې د جمعې په ورځ ترسره کيږي.
