فرانسه کې يو کس له چاړه سره پر کليسا بريد کړی په بريد کې له يوې ښځې سر پرې شوی او دوه نور کسان وژل شوي.
د فرانسې نيس ښار کې پوليسو د يادې پيښې پخلی کړی او بله خوا د ياد ښار ښاروال بيا بريد ترهګريز بولي.
ښاروال کريستين ايستروسي پر خپل ټويټر پاڼه ليکلي، نوتري ډيم کليسا دننه او يا شاوخوا له چاړه سره پر خلکو بريد شوی او پوليسو بريدګر نيولی.
ښاغلي خبريالانو سره خبرو پر مهال وويل، بريدګر د پوليسو لخوا نيول کيدو وخت کې الله اکبر نارې وهلې.
ښاغلي وويل، د پيښې ځای د فرانسې ولسمشر ايمانيول ماکرون رارسيدو حال کې دی.
پوليسو وويل، درې کسان د پيښې ځای کې مړه شوي او ګڼ شمير نور ټپيان دي.
پوليسو د يوې ميرمنې سر پرې کولو خبر تائيد کړی.
پوليس د بريد ځای د خلکو تګ راتګ لپاره تړلی او د پيښې پلټنه روانه ده.
د روانې مياشت پيل کې يو ترهګر هغه وخت د يو ښوونکي سر پرې کړ کله چې نوموړي خپل ټولګي کې زده کوونکو ته د اسلام پيغمبر کارتون وښود.
French members of the elite tactical police unit RAID enter to search the Basilica of Notre-Dame de Nice after the knife attack. Source: AFP
بريدګر ويلي ول چې ياد ښوونکي سر يې د حضرت محمد ص کارتون ښودلو له وجې برې کړی.
د نن ورځ بريد داسې مهال وشو، چې فرانسې ګڼو ودانيو او هم چاپي رسنيو کې د محمد ص کارتون نندارې ته وړاندې شو کوم چې په ټوله نړۍ کې د مسلمانانو کلک غبرګون راوپاروه.
مسلمانان وايي، د فرانسې ولسمشر د اسلام ضد اجينډا مخې ته وړي.
څه موده وړاندې د فرانسې ولسمشر اسلام ضد څرګندونې وکړې او فرانسه يې يوه بې مذهبه هيواد ياد کړ.
