د آسټرالیا په نیو ساوت وېلز ایالت کې له شدیدو بارانونو او سیلابونو وروسته، اوسمهال په اندوینزیا او ختیځ تیمور کې سیلابونو او ځمکې ښویېدنو خلکو ته مالي او ځاني زیانونه اړولي دي.
د الجزیرې شبکې په یوه خبر کې راغلي چې د اندونیزیا په ختیځو سیمو کې سیلابونه او ځمکې ښویېدنې د ۴۴ کسانو د مړینې لامل ګرځېدلې او یو زیات شمېر نور د خپلو کورونو پرېښودولو ته اړ شوي.
د اندونیزیا په ګاونډ، ختیځ تیمور کې هم شدید بارانونه د سیلابونو لامل ګرځېدلي او دریو کسانو د ځمکې ښویېدنې له مله خپل ژوند له لاسه ورکړی. راپورونه ښيي چې د وژل شویو کسانو په ډله کې یو ۲ کلن ماشوم هم شامل دی.
د افغانستان په یو شمېر ولایتونو کې هم د شدید ورښت او سیلابونو اټکل شوی دی. د افغانستان د ملکي چلند اداره خبرداری ورکوي چې په بدخشان، تخار، کندز، بغلان، سمنگان، بلخ، سرپل، بامیان، پروان، پنجشیر، کاپیسا، جوزجان،فاریاب، بادغیس، دایکندی، میدان وردک، نورستان، کنر، لغمان، ننگرهار، لوگر، پکتیا ،کابل اوسالنګونو کې د ورښت او سیلابونو پېښیدو امکان شته.
