اسټراليا ډيري ايالتونو کې چې کله هوا ګرمه او ورسره تيز باد وي نو د اور لګيدو خبرداري ورکول کيږي او په خلاصو ځايونو کې پر اور لګونې هم سخت بنديز لګول کيږي.
بله ستونزه داده چې ځيني کسان يا قصدآ او يا غلطي سره ځنګلونو سره نږدې سيمو کې اور لګوي کوم چې چټکی سره ځنګولونو کې اور خپرولی شي او داد ناورين رامينځته کولو لپاره لار هواروي.
تر ټول لويه ستونزه د هغو کسانو په اړه ده کوم چې سګرټ څکوي او له څکولو وروسته له موټر څخه س ګرټو لګيدلی فلتر بهر اچوي کوم چې د اور وژنې ادارې په وينا يو له سترو ننګونو ګڼل کيږي.
د اسټراليا اور وژنې ادارې په وينا، همدا فلتر کولی شي چې ځنګلونو او وښو کې اور ولګوي او د خلکو ژوند او يا کورونه د سوځيدو له خطر سره مخ کړي.
نيو ساوت ويلز ايالت کې د جنوری مياشت له ۱۷ نيټې وروسته که کوم کس له موټر څخه بهر د سګرټو فلتر ځمکې ته واچوي نو له درنې جريمې سره مخ کيږي.
که چيرې ياد ايالت کې پر خلاصو ځايونو کې اور لګونې باندې بنديز لګيدلی وي او کوم کس ذکر شوی جرم ترسره کړي نو ۱۰ ډريوری پواينټونه او ۱۱،۰۰۰ ډالر جريمه کيږي.
بله خوا له ډريور پرته که موټر کې ناست بل کس هم داسې يو کار وکړي هغه بيا ۶۶۰ ډالر جريمه کيږي او که اور لګونې بشپړ بنديز وي نو دا جريمه دوه برابره کيږي.
په کال ۲۰۱۹ کې ۲۰۰ کسان داسې کړنو لپاره جريمه شوي.
