د کورونا ویرس یو نوی پیژندل شوی ډول چې په سویلي افریقا کې خپور شوی د انګلستان او ځينو نورو هيوادونو انديښنې راپارولي.
نوِ ډول ويروس د ډلټا بڼې څخه دوه برابره ساري او هم خپل ډول بدلولو توان لري.
د انګلستان د روغتیا ادارې ويلي، د کرونا ويروس نوی ډول B.1.1.529 نومیږي او داسې بيروني پروټین اغزي لري چې د انسان دفاعي سيسټم اغيزمنولی شي.
د روغتيا پوهان وايي، د نوي ويروس سطحې بدلون سره داسې بريښي چې د کوويډ-۱۹ ضد جوړ شوي واکسينونه کيدای شي نوي ويروس پر وړاندې اغيزمن نه وي.
نوی ويروس د نورو ټولو پخوانيو پر پرتله ډير ساري دی.
د انګلستان روغتيا وزير ساجد جاويد وويل، " پر هغه څه چې مونږ پوهيږو هغه د ياد ويروس شکل ډير بدلونونه دي او د ډيلټا ويروس څخه د نوي ويروس ځان بدلول کچه هم دوه برابره ده.
" داسې بريښي چې نوی ويروس له ټولو پخوانيو څخه ډير ساري دی او جوړ شوي واکسينونه به لږ اغيزمن وي."
ساينس پوهان وايي، د نوي ويروس څيړنې ښايي، د ويروس شکل بدليدو سره د جوړو شوو واکسينو اغيزې کميږي.
د جنوبي افريقا هيواد ساينس پوهانو ويلي، نوی ويروس لږو کسانو کې خپور شوی او کيدای شي نورو ته هم خپور شي.
د کرونا ويروس نوي ډول خپل شکل بدلول غير عادي دی.
د کرونا ويروس نوی ډول په هانګ کانګ او بوستوانا کې هم موندل شوي.
ساينس پوهان وايي، د کرونا ويروس نوی ډول به د واکسين پروګرام له نوو ننګونو سره مخ کړي.
انګلستان د South Africa، Namibia، Lesotho، Botswana، Eswatini ، Zimbabwe پر اوسيدونکو باندې د سفر بنديز ولګول.
شریکول
