کرونا ويروس د نړۍ نورو هيوادو ترڅنګ يې د اسټراليا اقتصادي حالت هم له بحران سره مخ کړی.
د اسټراليا داخلي توليداتو کې ۷ سلنه کمی خبر د اسټراليا خزانه دار جوش فريدينبرګ ورکړ. د ښاغلي په وينا له دويمې نړيوالې جګړې وروسته دا لومړۍ ځل دې د اسټراليا اقتصاد له دومره ستر بحران سره مخ کيږي.
د اسټراليا حکومت په ۲۰۱۹-۲۰۲۰ کلونو کې ۸۵.۵ ميليارده ډالر قرضداره وه يا په بله معنی بوديجه يې له کسر سره مخ وه ولې دا رقم ۲۰۲۰-۲۰۲۱ کلونو کې ۱۸۴.۵ ميلياردو ډالرو ته لوړيږي.
دا مهال د نړۍ هيوادونه د اقتصاد حرکت کې ساتلو لپاره ۱۱ تريليونو ډالرو مرسته کړې.
پداسې حال کې چې د نړۍ اقتصادي حالت له نا معلوم راتلونکي سره مخ دی، د اسټراليا فدرال حکومت خزانه دار بيا وايي، د نړۍ نورو هيوادونو پر پرتله اسټراليا خپل اقتصادي حالت ښه ساتلی.
اسټراليا کې د بې کارۍ کچه لوړيدو حال کې ده او د اټکل له مخه د روان کال تر پايه به اسټراليا کې ۹.۲۵ سلنه کسان بې کاره وي.
