امريکا کې دا مهال ۶۷۱،۰۰۰ څخه ډير کسان پرو کرونا ويروس مبتلا دي او نږدې ۳۵،۰۰۰ کسانو بيا خپل ژوند له لاسه ورکړی.
امريکا کې کاروبارونه په ټپه ولاړ دي او ډير لوی ښارونه تړل شوي.
بله خوا هره اونۍ ميليونونه کسان بې کارۍ لپاره حکومتي پيسو مرستو ترلاسه کولو ته مخه کوي.
يوازې تيره اونۍ ۵،۲ ميليونه اعضافي امريکايانو بې کارۍ لپاره حکومتي پيسو مرستې غوښتنه کړې چې لدې شمير سره ټوله کې ۲۲ ميليونه امريکايان دا مهال بې کاره دي او پيسو مرستې غوښتنه کوي.
د امريکا ولسمشر ډونالډ ټرمه بيا د روغتيا نړيوالې ادارې لار ښوونې خلاف د ځينو ښارونو بيرته پرانيستلو پلان لري او وايي، چې اوسنۍ اقتصادي بحران ده لپاره د منلو ندی نو ځکه بايد امريکا بيرته پرانيستل شي.
د روغتيا نړيوالې ادارې لدې وړاندې ويلي ول، که هيوادونه د ګرځبند محدوديتونه له وخت څخه مخکې لرې او يا نرمښت پکې راولي نو هيوادونه به له ستر ناورين سره مخ شي.
امريکا کې هره ورځ زرګونه کسان پر کرونا ويروس مبتلا او مړه کيږي. سوال دا پيدا کيږي که امريکا خپل هر څه بيرته فعاله کړي نو آيا دا شته خطرونه به پر خپل ځان ومني او آيا نړۍ به له امريکا سره راکړه ورکړه ولري؟
ټوله نړۍ کې دا مهال پر کرونا ويروس مبتلا کسانو شمير ۲ ميليونه ۱ لک او ۵۲ زرو څخه لوړ شوی او تر اوسه ۱۴۵ زره کسانو خپل ژوند له لاسه ورکړی.
کاناډا او انګلستان خپل ښارونو تړلو موده نوره هم وغځوله.
چين اعلان وکړ چې اقتصاد يې ۶.۸ سلنه تاوان ليدلی چې دا تيرو ۴۴ کلونو کې يو بې سارۍ تاوان ګڼل کيږي.
اسټراليا کې چارواکي وايي، د کرونا ويروس خپريدو شمير کابو کولو سره به څلور اونۍ وروسته ځينو محدوديتونو کې نرمښت راولي.
