ويکټوريا ايالت کې تر دې دمه ۳۴ کسان په کرونا ويروس اخته شوي او د لا ډيرو اخته کيدو ويره ده.
د هند کرونا ويروس ډول دا مهال د ويکټوريا ايالت اوسيدونکو په مينځ کې خپور شوی، حکومت د لا دير خپريدو مخنيوي لپاره له نن شپې څخه د ځينو سختو محدوديتونو اعلان وکړ.
اډيليډ ښار هوټل قرنطين څخه وتلو وروسته يو کس ملبورن ښار ته داسې مهال سفر کړی چې په کرونا ويروس اخته وه. ويکټوريا ايالت کې ټولې نوې پيښې له هماغه مسافر سره تړاو لري.
له نن شپې ۱۱:۵۹ دقيقو وروسته به د ويکټوريا ايالت اوسيدونکي يوازې ضروري کارونو لپاره له کور څخه بهر تللی شي او داخلي او بيروني ځايونو کې د ماسک کارول جبري ګرځول کيږي.
ويکټوريا ايالت کې ښوونځي تړل کيږي او زده کړې به انلاين له لارې ترسره شي.
د خواړو توکو پلورل دکانونه، درملتون، د تيلو پمپ، بانکونه او ځيني نور ضروري خدمتونه پرانيسې پاتې کيږي ولې بله خوا رستورانتونه، بار او کافي شاپ به يوازې ټيک اوې خدمتونه وړاندې کوي.
ويکټوريا ايالت کې خلک يوازې ۵ دلايلو له مخه له کور څخه باهر وتلی شي.
From 11:59pm, 27 May until 4 June there are only five reasons to leave home, the 5th reason being if you are scheduled for vaccination against COVID19 Source: (AAP Image/Erik Anderson
- د خواړو توکې اخيستل
- پالنه ترلاسه کول او يا بل چاته يې ورکول
- هغه کار ته تګ چې حکومت يې ضروري کارونو کې شماري
- ورزش کول
- د کرونا ويروس ضد واکسين ترلاسه کول
ويکټوريا ايالت اوسيدونکي کولی شي خپلو کورونو څخه يوازې ۵ کيلو متره فاصله لرې سفر وکړي.
ورزش کولو ته هم په ورځ يوازې دوه ساعتونو لپاره اجازه ورکول کيږي.
ويکټوريا ايالت کې پر ودونو او هم مذهبي راټوليدو بنديز لګيدلی.
د ويکټوريا ايالت سرپرست مشر جيمز مرلينو وويل، مخکې لدي چې ناوخته شي، ويکټوريا ايالت اوسيدونکو باندې محدوديتونو لګول اړين وه.
دا څلورم ځل دی چې ويکټوريا ايالت کې داسې محدوديتونه او بنديزونه لګول کيږي، تيرو ۲۴ ساعتونو کې د کرونا ويروس ۱۱ نوې پيښې ريکارډ شوې.
ملبورن ښار کې ۱۵۰ ودانيو او ځايونو کې د کرونا ويروس خپريدو ويره ده او روغتيا چارواکي ۱۰،۰۰۰ کسانو ته معاينه او قرنطين کيدو لار ښوونه کړې.
ويکټوريا ايالت کې د کرونا ويروس ضد واکسين کولو پروګام چټکۍ سره پر مخ روان دی او ټول هغه کسان چې ۴۰ کلونو څخه ډير عمر لري کولی شي ويکټوريا کې د فايزر واکسين ترلاسه کړي.
