سبا شپې څخه به ويکټوريا ايالت کې لس واړه ښارګوټي يا (Suburbs) بشپړ ډول سره تړل کيړي.
د تړل کيدونکو ښارګوټو پوسټ کوډونه 3012.3021,3032,3038,3042,3046,3047,3055,3060,3064 دي.
له سبا څخه به دا ښار ګوټي تر جولای مياشت پای پورې تړل کيږي.
د يادو سيمو اوسيدونکي يوازې کار، ښوونځي، د نورو پالنه يا خدمت کول، ورزش ته وتل او يا خواړه او نورو ضروري توکو اخيستل.
که چيرې له يادو دلايلو پرته څوک له کوره بهر شي نو د پوليسو لخوا ځای پر ځای جريمه کيږي.
د يادو ښار ګوټو اوسيدونکي به يوازې ضروري کارونو لپاره له کوره بهر وځي او يادو ښارګوټو کې د بنديز نوي تدابيرو لپاره پوليس او نور امنيتي کسان ځای پر ځای کيږي.
د ويکټوريا ايالت صدر اعظم ډينيل انډريوز نن خبرې غوندې ته خبرو دوران کې وويل، د پيښو ډيروالي وروسته تر دې دمه ۹۳،۰۰۰ کسان کويډ-۱۹ لپاره معاينه شوي.
د ويکټوريا ايالت يادو لسو ښارګوټو ته د روغتيا کار کوونکي استول شوي ترڅو د خلکو معاينه د هغوی کور مخې ته وکړي ولې داچې دا معاينه جبري نده شاوخوا ۱۰۰۰ کسانو له معاينه کيدو ډډه کړې.
ښاغلی انډريو وايي، که د روغتيا چارواکي مو دروازې ته راځي او له تاسو معاينه غواړي نو داسې همکاري وکړئ او معاينه وکړئ ځکه له همدې لارې مونږ کولی شو د کويډ-۱۹ ويروس خپريدل کابو کړو.
ويکټوريا ايالت به راتلونکو ۱۴ ورځو لپاره هيڅ بهرني مسافر وړونکې الوتکې ته ملبورن ته راتلو اجازه ورنه کړي.
ويکټوريا ايالت کې که تاسې د بيماری احساس کوئ نو ځانونه کرونا ويروس لپاره معاينه کړئ.
