د ويسټ انډيز هيواد د کريکټ په ډګر کې تاريخ جوړ کړ.
د ياد هيواد ښځينه او هم نارينه لوبډلو دواړو د شل اوريز نړيوال جام اتلولي وګټله.
تيره شپه د نارينوؤ پايلوبه د هند هيواد په کلکته ښار کې د ويسټ انډيز او انګلستان هيوادو تر مينځ تر سره شوه، ياده لوبه دومره په زړه پورې وه چې آن تر وروستيو شيبو چا دا نشو ويلای چې څوک به لوبه ګټي..د پاې لوبې وروستي اور څلورو توپو هرڅه بدل کړل او ويسټ انډيز نړيوال جام خپل کړ. ويسټ انډيز ته اتلولي Carlos Brathwaite ورپه برخه کړه چې په وروستي اور کې يې ۴ شپږيزې پر له پسې ووهلې.
انګلستان لوبډلې لومړی توپ وهنه وکړه چې په ۲۰ اورونو کې يې د ۱۵۶ منډو هدف وټاکه، ياد هدف ويسټ انډيز په ۱۹.۴ اور کې پوره کړ.
شریکول
