اسټراليا کې د مالي جرمونو څار ادارې څه موده وړاندې د Westpac بانک فعاليت او کړنو پلټنه پيل کړې وه او پلټنې دوران کې د ياد بانک لخوا ۲۳ ميليونه ځله قانون څخه سرغړونه شوې.
ياد بانک باندې دا تور هم دی چې ميليونونه داسې حسابونو راکړه ورکړه شوې چيرې چې پيسې سپينې شوي.
د پيسو سپينول څه معنی: که کوم کس يا کمپنۍ له ناقانونه يا جرمي لارو څخه پيسې پيدا کوي او هغه پيسې بيا قانوني بانکونو کې نشي اچولی نو هر بانک او يا مالي اداره چې دا پيسې خپلو بانکونو او يا ادارو کې په سم ډول اچوي يعنې مردارې پيسې سپينوي نو داسې کړنو ته د پيسو سپينول وايي او همدا جرم ګڼل کيږي.
دا لومړی ځل ندی چې اسټراليايي بانک د پيسو سپينولو کړنو لپاره جريمه کيږي، لدې وړاندې په کال ۲۰۱۷ کال کې د اسټراليا Commonwealth بانک د ۵۴،۰۰۰ غير قانوني کړنو لپاره ۷۰۰ ميليونه ډالر جريمه شوی وه.
د مالي څار اداره يا AUSTRAC وايي، د ويسټ پک بانک دا منلې چې دوی د پيسو سپينولو او هم ترهګرۍ لپاره د پيسو ليږد له شته قوانينو څخه سرغړونه کړې نو ځکه يو ميليارد او درې سوه ميليونه ياد بانک جريمه شو.
ويل شوي چې شاوخوا ۱۹ ميليونه ځله بهرني پيسو راکړه ورکړه شوې کوم چې د قانون خلاف وه او بله خوا داسې ادعا هم کيږي چې د ياد بانک لخوا ځينو داسې ځايونو او يا کسانو ته پيسې ليږل شوي کوم چې د ماشومانو جنسي ځورونې، پيسو سپينولو او هم ترګريزو کړنو لپاره ترې کار اخيستل شوی.
