د روغتيا نړيوالې ادارې مشر Tedros Adhanom Ghebreyesus وايي، د کرونا وايروس له چين څخه بهر داسې کسانو کې موندل شوي کومو چې چين هيواد ته هيڅ سفر ندی کړی.
د روغتيا نړيوالې ادارې په وينا، د کرونا وايروس د نړۍ يو شمير هيوادو وګړو کې پيدا کيدل د انديښنې وړ موضوع ده او دا کيدای شي د يوې لويې فاجعې پيل وي.
چين کې پر کرونا وايروس د مبتلا کسانو شمير ۴۰،۰۰۰ څخه لوړ شو.
د چين روغتيا ادارې رپوټ له مخه يوازې د فبروری په ۹ د کرونا وايروس ۹۷ کسان ووژل.
油麻地廣華醫院病房。 Source: AAP
د روغتيا نړيواله داره د مهاهريون يوه ډله جوړوي ترڅو چين ته سفر وکړي او د ياد وايروس خپريدلو څرنګوالی وڅيړي.
دا مهال د کرونا وايروس چين پرته په ۲۵ نورو هيوادو کې موندل شوی او ډير شمير هيوادو خپل وګړي د چين هيواد له وواهان څخه ويستلي.
د نړۍ لوی هوايي شرکتونو هم چين هيواد ته خپلې ټولې الوتنې ځنډولي.
چين کې بند پاتې سلګونه اسټراليايان دوو ځانګړو الوتکو کې اسټراليا ته راوستل شول او دا مهال د اسټراليا لويو ښارونو څخه لري ځينو بندو ښارګوټو کې دوو اونيو لپاره قرنطين ساتل کيږي.
د روغتيا نړيوالې ادارې مشر د نړۍ ځينو هيوادو کې د کرونا وايروس پيدا کيدو په اړه ويلي، د نړۍ هيوادونه دې د ياد وايروس رارسيدو ته په تمه اوسي او ښاغلی له عامو خلکو غوښتي ترڅو دې ارامي غوره کړي.
Passengers evacuated from Wuhan arriving at the RAAF Base Learmonth in WA on Monday. Source: DFAT
تر دې دمه له چين څخه بهر د دوو کسانو مړينه تاييد شوې چې يو يې فيليپين او بل په هانکانګ کې د ياد وايروس له امله مړه شوي.
