د سویلي آسټرالیا په آډېلېډ ښار کې د پښتنو ټولنه له تېرو څلورو کلونو راهیسې د کرېکټ سیالۍ د مختلفو ټولنو د لوبډلو ترمنځ په لاره اچوي.
د دغې ټولنې مسئولن وايي چې له دغه کار څخه یې موخه داده ترڅو د لوبو او نورو کلتوري پروګرامو له لارې پښتانه سره راټول کړي او هم له نورو ټولنو سره پښتنانه ښې اړیکې ولري.
د سویلي آسټرالیا د مختلفو کلتورنو د کرېکټ په سیالیو کې سږکال د افغانانو د لوبډلې په ګډون، ۱۸ لوبډلو برخه اخیستې وه. اس بي اس پښتو راډیو د همدغې موضوع په اړه په آډېلېډ ښار کې د پښتنو د ټولنې له مشر ښاغلي عزیر صافي سره مرکه ترسره کړې.
د مرکې د اورېدلو لپاره مهرباني وکړئ، د سپیکر تڼۍ کېګاږئ.
