د ۲۰۱۹ کال دا کنفرانس د جولای مياشت ۱۰ نيټې څخه تر ۱۲ نيټې پورې د سوداګرو او دولتي چارواکو په ګډون پر مخ واچول شو.
د اسټراليا پاسيفيک سوداګری شورا مشر ښاغلي بشير کشتيار له اس بي اس پښتو خپرونې سره خپرو پر مهال وويل، " دا شپږم دوه اړخيز کنفرانس دی چې افغان او اسټراليايي سوداګر سره راټوليږي او د پانګونې پر لارو چارو خبرې کوي."
د ښاغلي کشتيار په وينا د سږ کال کنفرانس ډيرې لاسته راوړنې درلودې او هم په ډير شمير افغان سوداګرو او دولتي چارواکو پدې کنفرانس کې ګډون کړی وه.
داچې تر دې دمه د يادو ناستو پايلې څه دي او کومو برخو کې افغان او اسټراليايي سوداګرو له يو بل سره همکاري پيل کړی، اس بي اس پښتو خپرونې له بشير کشتيار سره چې د اسټراليا پاسيفيک سوداګری شورا مشر او ياد کنفرانس تنظيم کوونکی دی خبرې کړي چې تاسې بشپړه مرکه دلته اوريدلی شئ.
