د اسټراليا دولت لخوا د خپلو پوځيانو جنګي جنايتونو ترسره کولو پر سر اعتراف او هغوی ته سزا ورکولو ژمنه د افغان دولت او نورو له هرکلي سره مخ شو.
له تيرو څلورو کلونو راهيسې افغانستان کې د اسټراليايي ځانګړو ځواکونو لخوا د ځينو بې ګناه افغانانو د وژنې تورونو پلټنه روانه وه او د يادې پلټنې موندنې د اسټراليا د پوځ لوی درستيز لخوا خپرې شوې.
د افغانستان امنيت شورا وياند رحمت الله اندړ له اس بي اس پښتو خپرونې سره خبرو پر مهال وويل، " افغان حکومت د يادې پلټنې هر کلی کوي او خوښ دی ترڅو د بشر حقونو سر غړونو پلټنه وشي.
ښاغلي اندړ وويل، ياد رپوټ د افغانستان حکومت په همکارۍ چمتو شوی.
د ښاغلي اندړ په وينا، دا د اسټراليا د حکومت او هم پوځيانو لخوا اخلاقي جرعت دی چې د يادو پيښو پلټنه کوي.
د ښاغلي اندړ په وينا، داچې افغانستان کې د ډير شمير هيوادونو پوځيان په جګړه کې ښکيل ول، د نورو هيوادونو پر پوځيانو هم جنګي جنايتونو تورونه شتون لري.
بله خوا افغان دولت له اسټراليا څخه غواړي ترڅو له قرباني شوو کورنيو څخه بښنه وغواړي.
اس بي اس پښتو خپرونې سره د ښاغلي رحمت الله اندړ بشړه مرکه واورئ.
