افغانستان کې بې وزلي، نا امني او هم د کرونا ويروس وبا ډير افغانان له ګڼو ستونزو سره مخ کړي او له هر وخت څخه ډير اوس افغانان مرستو ته اړتيا لري.
نورو ستونزو سربيره اوس سيلاونو هم ډير شمير ولايتونو کې مالي او ځاني تاوان اړولې او زرګونه افغانان يې اغيزمن کړي. د سيلاونو قربانيانو لپاره له افغانستان څخه بهر ګڼ شمير افغانان پيسې او نورې مرستې راټولوي ترڅو پدې سخت وخت کې خپل د هيوادوالو لاس ونيسي.
ملبورن ښار کې ميشت عبدالغفار اکبر له بې وزلو افغانانو سره مرسته کولو لپاره هلې ځلې کوي او د ياد ښار ميشتو افغانانو په مرسته يې زرګونه جوړه کالي، بوټان، روغتيايي او نور توکي راټول او افغانستان ته استولو لپاره تيار کړل.
د ښاغلي په وينا، نږدې راتلونکي کې د مرستو ياد کنټينر به افغانستان ته ورسيږي او توکي يې پر بې وزلو افغانانو ويشل کيږي.
له اس بي اس پښتو خپرونې سره خبرو پر مهال ښاغلي اکبر وويل، په مرسته شوو توکو کې يو شمير وينتيلاتورونه هم شامله دي کوم چې کويډ-۱۹ بيمارانو درملنه کې مرسته کولی شي.
د ښاغلي اکبر په وينا، راتلونکې کې به د اسټراليا نورو ښارونو کې ميشت افغانان وهڅوي ترڅو ورته مرستې راټولې او په دوام داره شکل يې افغانستان ته واستوي ترڅو پر بې وزلو افغانانو وويشل شي.
Source: Supplied
د ښاغي عبدالغفار اکبر بشپره مرکه دلته اوريدلی شئ.
