نقيب الله اسټراليا کې له کړاوونو ډک ژوند تيروه او په تيرو ۱۸ کلونو کې نه وه توانيدلی ترڅو خپل بچيان اسټراليا ته راولي.
د نقيب الله يو نږدي ملګری ډاکټر وحيد خان له اس بي اس پښتو خپرونې سره خبرو دوران کې وويل چې مرحوم نقيب الله اسټراليا کې کار دوران کې له ټپي کيدو وروسته له کلونو راهيسې کار نه کاوه او د هغه يوازينۍ هيله دا وه چې کورنۍ يې اسټراليا ته راشي.
د مرحوم د کورنۍ راوستلو غوښتنليک يو وار د اسټراليا حکومت لخوا رد شوی وه ولې دويم ځل لپاره يې د کورنۍ راوستلو لپاره غوښتنليک ورکړی وه چې تر دې دمه طی مراحل کې دی.
له مرحوم نقيب الله څخه شپږ بچي چې درې ځامن او درې لوڼي دي پاتې شول.
د نقيب الله جسد د کورنۍ په غوښتنه افغانستان ته وړل کيږي او داچې د مرحوم جسد ليږد باندې لږښت هم راځي نو ملبورن ښار کې ميشتو افغانانو Go Fund Me مرستو ټولولو پاڼه پرانيستې او له ټولو اسټراليا ميشتو افغانانو هيله کوي ترڅو د مرحوم جسد ليږد او کورنۍ لپاره يې مرستې لپاره پيسې ټولې کړي.
ملبورن ښار کې د افغانانو اسلامي مرکز او عمر فاروق جومات د مرحوم جسد سمبالښت برخه کې مرسته کوي.
د مرحوم نقيب الله ژوند او کورنۍ حالت مو د هغه له نږدي ملګري وحيدالله خان څخه پوښتي، بشپړه مرکه واورئ.
