پاکستان کې بې ساري سيلابونو درانه مالي او ځاني تاوانونه اړولي.
د ياد هيواد چارواکي وايي له ۱۴۰۰ څخه ډير کسان سيلابونو له امله مړه شوي او ميليونونه بې کوره شوي.
پاکستان پداسې حال کې له سختو ورښتونو او سيلابونو سره مخ شو چې هيواد اقتصادي او سياسي کړکيچونو سره مخ دی.
د چارواکو په وينا له ۶۰۰ زرو ډير کسان لنډمهالو کمپونو کې ميشت شوي.
پاکستان د يو ميليون او نږدې ۳۰۰ زرو افغان کډوالو کوربه دی، وروستيو سيلابونو ګڼ شمير افغان کډوال هم ځپلي او دوی د بيړنيو مرستو غوښتنه کوي.
اجمل کډوالو کمپ نوښار کې ژوند کوي او تيرو سيلابونو د افغان کډوالو کمپ هم ځپل شوی.
د اجمل په وينا د اوسيدو ځايونه يې ويجاړ شوي، د ملګرو ملتونو لخوا دوی ته خيمې ورکړل شوي ولې نور هيڅ ډول مرسته ورسره نده شوې.
پاکستان کې ميشت افغان کډوال وايي، تيرو سيلابونو وروسته د پاکستان عامو خلکو ورسره ډيره مرسته کړې، دوی ډير بې وسه دي او د ګرمۍ له وجې هر ډول مرستې ته اړتيا لري.
