د فاطمیون لښکر فعالیتونه په افغانستان کې ګڼې اندېښنې راپیدا کړې دي
Fatemiyoun Division Source: iuvmpress
د افغانستان د مشرانو جرګې غړي وايي، چې د فاطمیون لښکر 500غړي له ایران نه د افغانستان سرحدونو ته راننوتي، چې دا د جدي اندېښنې وړ خبره ده. دا په داسې حال کې ده چې تردې وړاندې د افغانستان د سولې لپاره د متحده ایالاتو د بهرنیو چارو وزارت ځانګړي استازي زلمي خلیل زاد هم تردې وړاندې د فاطمیون ډلې د ځای پر ځای کېدو په تړاو څرګندونې کړي. خو د دفاع وزارت وايي،په دې اړه کوم اسناد او شواهد نه شته او افغان ځواکونه به د ترورستانو د ځپلو لپاره به له هر ډول قوت نه کار واخلي. فاطمیون هغه وسله واله ډله ده چې د ایران د سپاه پاسدران له خوا جوړه شوې او په سوریه کې د بشار الاسد د رژیم په ملاتړ جنګېږي. تفصیل د ناجیې ساپۍ په ریپوټ کې اورئ.
شریکول
