افغانستان کې روانې جګړې او ناخوالو ډير افغانان اړ کړي ترڅو خپل هيواد پريږدي او نورو هيوادونو کې پناه واخلي.
د سولې او اقتصاد کلني رپوټونو کې افغانستان پرلپسې د نړۍ تر ټولو نا امن هيواد نومول شوی.
افغانستان کې روانه جګړه او بيا هدفي وژنو کې زرګونو افغانانو او د افغانستان وتلو څيرو ته مرګ ژوبله اوښتې او دا لړۍ لا اوس هم روانه ده.
مرسل ځاځۍ چې د پکتيا ولايت ځاځيو له ولسوالۍ سره تعلق لري، وشو کولی لږ موده کې خپل لوړ استعداد سره د افغانستان وتلو ټلويزيونو پر پردو څرګنده شي او خپلو خلکو ته خدمت وکړي.
د اغلې ځاځۍ په وينا، افغانستان کې له پښتنو ميشتو سيمو څخه د يوې ميرمنې لوړې زده کړې او بيا رسنيو کې کار کول معجزه ګڼل کيږي.
اس بي اس اس پښتو خپرونې سره په ځانګړې مرکه کې اغلې ځاځۍ وويل، يوې پښتنې ميرمنې لپاره زده کړه او بيا له زده کړو وروسته رسنيو سره کار کول ډير ګران کار دی ولې نوموړې وشو کولی ټولو ناخوالو سره بيا هم خپل مسلک ته ادامه ورکړي.
اغلې ځاځۍ خپلې لوړې زده کړې پښتو ادبياتو کې بشپړې کړي او افغانستان کې يې له رسنيو سره ۹ کاله د خبريالې په توګه کار کړی.
مرسل ځاځۍ له ژوندون، آريانا، ميوند او شمشاد ټلويزيونو سره او همدا رنګه له مخابراتو وزارت، موبي ګروپ او آزادي راډيو سره کارونه ترسره کړي.
Source: Supplied
د بې پولو خبريالانو ټولنې رپوټ کې ويل شوي چې افغانستان د خبريالانو لپاره تر ټولو نا امن هيواد دی.
هر کال د ريکارډ په کچه خبريالان د هدفي وژنو ښکار کيږي او يوازې افغانستان کې په روان کال کې ګڼ شمير خبريالان او مدني فعالان چې په هغو کې ښځې هم شاملې وې د هدفي وژنو ښکار شوي.
اغلې ځاځۍ خپل ځان او کورنۍ ته د ورپيښو خظرونو له امله افغانستان پريښود او دا مهال ترکيې کې ژوند کوي.
اغلې چې له نامعلوم راتلونکي سره ياد هيواد کې ژوند کوي دې ته په تمه ده ترڅو کوم بل هيواد کې پناه واخلي.
اغلې ځاځۍ چې له خپل کورنۍ سره درې مياشتې وړاندې ترکيه ته راغلې په ياد هيواد کې يې اقتصادي او رواني حالت ښه ندی او نوموړې له بد روحي حالت څخه هم کړيږي.
Source: Supplied
اغلې مرسل ځاځۍ خپل کاري سفر، ژوند او هم اوسني حالت په اړه له اس بي اس پښتو خپرونې سره ځانګړې مرکه کړې چې تاسې بشپړه مرکه دلته اوريدلی شئ.
