سميع الله صاحبزاده د اسټراليا جنوب ايالت اډيليډ ښار کې اوسيږي او له کلونو راهيسې د هغو افغانانو لاس نيسي کوم چې ياد ښار ته نوي راځي او ژوند پيلوي.
اسټراليا ته هر کال زرګونه مهاجر او کډوالو له بيلابيلو هيوادونو څخه راځي او ميشت کيږي.
د اسټراليا بيلابيلو ايالتونو او ښارونو کې د افغانانو په لاس جوړې شوې ټولنې خپل خلکو ته ميشتيدنې برخه کې کار کوي او لدې ټولنو څخه ځيني يې په اډيليډ ښار کې فعاليت کوي.
سميع الله اډيليډ ښار کې اوسيږي او ۲۰۱۴ کال کې اسټراليا ته راغلی.
ښاغلی چې خپله د کډوالو په توګه اسټراليا ته راغلی وايي، اسټراليا ته راغلو نوو افغانانو ته نوي ژوند پيلولو برخه کې پراخې مرستې کوي.
د ښاغلي سميع الله يادو مرستو ترڅنګ د اسټراليا ملي ورځو کې افغان کالي اغوستلو سره د ډيرو پام ځانته اړولی، د ښاغلي په وينا د افغان جامو په اړه يې ډير خلک ترې پوښتنې کوي او له نوموړي سره عکس اخيستل خوښوي.
له سميع الله صاحبزاده سره مو مرکه کړې او لا ډير معلومات يې مرکه کې واورئ.
شریکول
