په داسې حال کې چې د طالبانو له لوري له شپږم ټولګي پورته د انجونو پرمخ د ښوونځیو د بندیز له ۱۰۰۰ ورځو اوښتي، په دغه موده کې ګڼ شمېر سازمانونو او بنسټونو په وار وار پر طالبانو غږ کړی ترڅو د نجونو زده کړو ته اجازه ورکړي.
په دغه لړ کې ځینو نورو بنسټونو یو لړ کمپاینونه هم په لاره اچولي او له دغې لارې يې له طالبانو غوښتي ترڅو د انجونو پرمخ د ښوونځیو بندې دروازې پرانیزې.
د اقرا ولوله په نوم د انجونو د زده کړو په موخه کمپاین چې د جون میاشتې له ۱۴ مې راپدیخوا په لاره اچول شوی د ګڼ شمېر کسانو له لوري بدرګه شوی او له دغې لارې پر طالبانو غږ شوی چې د ښوونځیو او پوهنتونونو دروازې د نجونو پرمخ خلاصي کړي.
دغه کمپاین چې د راودري او مصور په نومونو د بشري حقونو د بنسټونو له لوري په لاره اچول شوي موخه يې افغان انجونو ته د زده کړو حق ورکول دي.
مهرباني وکړئ لا ډېر معلومات په رپوټ کې واوروئ.
زموږ خپرونه دلته پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
