اسټراليايانو لپاره افغانان پيژندل شوي خلک دي او ۱۶۰ کاله وړاندې اوښبه افغانانو د اسټراليا ودې برخه کې رغنده رول لوبولی.
اسټراليا دا مهال له افغانستان سره د مالي مرستو ترڅنګ نظامي مرستې هم کوي.
اسټراليا او نيوزيليند لپاره د افغانستان سفير مرستيال ښاغلي محمد عتيق ذکي له اس بي اس پښتو خپرونې سره خبرو پر مهال وويل چې د اسټراليا حکومت نوې بوديجه کې افغانستان لپاره ۸۰ ميليونو ډالرو مرستو اعلان شوی.
د ښاغلي ذکي په وينا حال داچې د اسټراليا حکومت ګاونډيو هيوادو ته مرستې په رقم کې د پام وړ کمی راوړی ولې افغانستان لپاره مرستې پر خپل ځای دي او دا د افغانستان د سفارت او خلکو ترمينځ ډايلوګ هلو ځلو لاسته راوړنه ده.
اسټراليا افغانستان سره له ۲۰۰۱ کال راهيسې۱.۴۲ ميليارده ډالر مرسته کړې.
استراليا کې له ۱۰۰۰ ډير بومي کسان خپل ځان افغانان بولي او وايي چې د اوښبه افغانانو له پاتې نسل څخه دي.
اسټراليا کې د افغان پناه غوښتونکو په اړه ښاغلي ذکي وويل، له ۲۰۱۷ کال راهيسې هيڅ افغان بيرته افغانستان ته ندی ډيپورټ شوی.
ښاغلی ذکي وايي چې د کډوالو پر مسلې له اړوندو ادارو سره همغږي لري او د افغانستان سفارت به دا يقيني کړي ترڅو هر افغان کډوال ته د هغه حقونه ورسيږي.
اسټراليا او نيوزليند لپاره د افغانستان د سفير مرستيال ښاغلي محمد عتيق ذکي بشپړه مرکه دلته واورئ.
