افغانستان کې سيلابونو تر دې دمه ۱۳۴ تنه مړه کړي

د موسمي بارانونو له امله د کابل ښار ډېرو سیمو کې اوبه ډنډې شوي چې یوشمېر کابل ښاریان یې لامل د کانالیزاسیون نه موجودیت په ګوته کوي. د کابل ښار اوسېدونکي وايي، د کانالیزاسیون او اوبو د تخلیې د منظم سسیتم نه موجودیت دوی له ګڼو ستونزو سره مخ کړي. له بلې خوا د افغانستان طبیعي پېښو ته د رسېدو په چارو کې د دولت وزارت وايي، وروستیو سیلابونو په ۲۰ ولایتونو کې ۱۳۴ مړه کړي دي. د دغه وزارت مرستیال محمد قاسم حیدري وویل، چې زیانمنو شویو سېمو ته اړینې مرستې رسېدلې دي. خو یوشمېر خلک وايي،لاهم اړینې مرستې ورته ندې رسېدلي. تفصیل له ناجیې ساپۍ اورئ.

Source: EPA