د چارو یو شمېر شنونکي بیا د متقاعدینو د ورکړې لپاره د ځانګړې محکمې له جوړېدو هر کلي کوي او وايي، چې له دې سره به متقاعدین له خپل حق څخه برخمن شي.
د طالبانو له بیا واک ته ترسېدلو وروسته په افغانستان کې متقاعدینو ته معاش نه دی ورکړل شوی.
که څه هم د افغانستان د متقاعدینو ټولنې په دغې مودې کې په پرلاپسې ډول د خپل تقاعد د ترلاسه کولو لپاره په کابل کې د طالبانو د مالیې وزارت مخې ته په لاریونونو او احتجاج لاس پوره کړی خو د طالبانو حکومت تر اوسه د تقاعد معاش نه دی ورکړی.
څو ورځې وړاندې د طالبانو مشرتابه ملا هبت الله اخندزاده د یوه فرمان په صادرولو سره د دغو متقاعدینو د حقونو ورکړه د تقاعد یوې ځانګړې محکمې ته وسپارله.
د دې فرمان له مخې، د افغانستان ستره محکمه باید د متقاعدینو د حقونو د غوښتنو حل لپاره لاس په کار شي.
د افغانستان د متقاعدینو ټولنه که څه هم د طالبانو د مشرتابه پر دغه فرمان خوښي څرګندوني خو وايي، تقاعد د متقاعدینو تثبیت شوی حق دی او په اړه يې محکمې ته اړتیا نه ویني.
مهرباني وکړئ په دې اړه لا ډېر معلومات په رپوټ کې واورئ.
