مهم ټکي
تېره اوونۍ رسنیو راپور ورکړ چې ټاکل شوې د امریکا د کانګریس د استازو جرګه هغه طرحه تصویب کړي چې له مخې به يې ددغه هېواد دفاع وزارت یا پنټاګون افغانستان ته د هر ډول مرستې ورکولو منع کړي.
د افغانستان لپاره د امریکا پخواني ځانګړي استازي زلمي خلیلزاد تېره اوونۍ خبرداری ورکړ چې د طالبانو تر ولکې لاندې افغانستان یو ناکام دولت کرځېدلی شي، او که داسې وشي نو د امریکا او نړۍ لپاره به يې پایلې ښې نه وي.
د ملګرو ملتونو یو نوی راپور چې د تېرې اوونۍ د سه شنبې په ورځ خپور شوو وښوده چې د القاعده شبکې مشر ایمن الظواهري ژوندی دی او له طالبانو سره اړیکې لري.
د میټا ټولنیزه شبکه چې، فیسبوک او انستاګرام يې برخې دي. تېره اوونۍ د طالبانو د حکومت د ملي راډیو تلویزیون فیسبوک او انستاګرام پاڼو حسابونه وتړل.
د دغې شبکې مسولانو له امریکا غږ سره په کې د دې کار لاامل ددغو پاڼو له لوري د دوی د تګلارې خلاف محتوا خپرول ښودلي.
د میټا ټولنیزه شبکې ویلي، چې د یو شمېر سیمه ایزو او نړیوالو متخصصانو سره يې په دې اړه له مشورو وروسته توافق وکړ چې دا پاڼې تاوتریخوالي ته د دعوت او د مخالفونو د سر پرې کولو، له بشري حقونو څخه د سرغړونې او د ښځو او نورو په ضد د ځپونکیو پالیسو د توجیه کولو په ګډون د خطرناکې محتوا په خپرولو کې دخیلې وې.
په افغانستان کې د ملګرو ملتونو مرستندویه ادارې یا یوناما اوونۍ په افغانستان کې د بشري حقونو په اړه تېره په خپل وروستي راپور کې وویل چې وسله والو طالبانو په تېرو لسو مېاشتو کې د پخواني حکومت لږ تر لږ ۱۶۰ چارواکي وژلي.
