اسټراليا کې د افغانانو تاريخ پيړيو پخوا وختو ته رسيږي او د رپوټونو له مخه دوی لومړني مسلمانان ول چې اسټراليا کې يې د اسلام بڼسټ کيښود. افغانان په خپل کلتور او دين مين خلک ول او په هر حالت او وخت کې يې خپل عبادت کاوه او هم خپل کلتور سره يې ځان نږدې ساته. کله چې افغانان اسټراليا ته د لومړي ځل لپاره راغلل هغه وخت کې اوروپايانو ډير ظلمونه کول او د اوروپايانو کلتور او دود پرته د هرڅه خلاف ول او څوک يې نه پريښودل چې بل دين يا کلتور پلي کړي، ولې افغانانو وشو کولی چې خپل دين او کلتور ژوندی وساتي او خپل عبادت لپاره جوماتو هم جوړ کړي. افغانانو په ۱۸۸۸ میلادي کال کې لومړنی جومات اډیلاید ښار کې جوړ کړ او په استرالیا کې ډیری میشت مسلمانان هم په دې باور دي چې په دغه هیواد کې د اسلام بڼسټ افغانانو لخوا ايښودل شوی. په استرالیا کې د جوماتونو ترڅنګ مسلمانان یو شمیر ښوونځي او کالجونه هم لري چې داسلامي ښوونځيو په نامه یادیږي او په زرهاوو زده کونکي پکې په زده کړو بوخت دي. يادې مضوع په اړه په زړه پوري معلومات زمونږ همکار مجيب منيب راټول کړي چې تاسې يې دلته اوريدلی شئ.
شریکول
