د اسټراليا ملبورن ښار کې د افغانانو اسلامي مرکز او د عمرفاروق جومات ټولنې ياد ښار کې د يو نوي جومات جوړولو اجازه ترلاسه کړه.
د يادې ټولنې وياند حاجي روښان اکبر په وينا، د افغانانو ياد جومات به په يو وخت کې د دوه زرو کسانو لمونځ کولو ځای ولري.
ملبورن ښار کې د افغانانو اسلامي مرکز او عمر فاروق جومات ټولنې غړو له ډيرو کلونو راهيسې د ياد جومات جوړيدو لپاره هلې ځلې کولی او له کلونو زيار وروسته تيره اونۍ د ملبورن ښار ځايي کونسل د ياد جومات جوړيدو اجازه ورکړه.
اټکل کيږي چي د جومات ابادولو چارې راتلونکو څو مياشتو کې پيل شي او دوه کلونو کې جومات جوړ او د خلکو پر مخ پرانيستل شي.
ملبورن ښار کې د افغانانو تر ټولو لوی جومات جوړولو باندې له څلور ميليونو څخه تر پينځه ميليونو ډالرو لږښت راځي.
د اسټراليا ويکټوريا ايالت کې د افغانانو اسلامي مرکز او عمر فاروق جومات وياند حاجي روښان اکبر سره مو مرکه کړې، تاسې لا نور ډير معلومات په مرکه کې واورئ.
شریکول
