ګاونډیو ته د بهېدونکو اوبو پر سر بحث د افغانانو بشري حق دی

پخوانی افغان ولسمشر حامد کرزی وايي چې د ډېورنډ کرښې او ګاونډیو هېوادونو ته د بهېدونکو اوبو پر سر بحث د افغانانو بشري حق دی او کوم هېواد باید ترې خفه نشي.نوموړی وايي، د هېواد د پولو په تېره بیا د ډېورنډ کرښې او اوبو څخه افغانانو زیاتې ستونزې لیدلې دي.کرزي په کابل کې یوې غونډې ته وویل، په دې اړه بحث د افغانانو انساني حق دی نو ځکه هیله لري چې ګاونډي هېوادونه هم له افغانستان سره تفاهم ولري.هغه د افغانستان نوین مطالعاتي او څيړنیز مرکز پرانېست غونډې ته چې د افغانستان د پولو او اوبو په اړه څېړنې کوي وویل، له پاکستان نه غواړي چې د ډیورنډ کرښې په اړه د افغانو دریځ درک کړي.يادې موضوع په اړه تاسو ته يو بشپړ رپوت لرو چې دلته يې اوريدلی شئ.

Carl Montgomery-Flickr Source: Carl Montgomery-Flickr