د افغانستان او پاکستان ترمينځ سياسي کړکيچ ډيري قربانيان عام خلک دي.
د تورخم دواړه خواوو ته خلک نه يوازې خپل کورنيو غړو يا دوستانو ليدو لپاره دواړو خواوو ته سفر کوي بلکې د درملنې لپاره هم ډير شمير افغانان پاکستان ته مخه کوي.
پدې وروستيو کې پاکستان لخوا افغانانو ته د ورتګ ستونزې ډيرې شوي او بله خوا ډير شمير افغانان هم په اسانۍ نشي کولی ترڅو پاکستاني ويزه ترلاسه کړي چې له مخه يې قانوني سفر وکړي.
يوه څلور کلنه انجلۍ چې کورنۍ يې غوښتل پاکستان ته يې توخم له لارې درملنې لپاره يوسي د پاکستاني چارواکو لخوا ورته پاکستان ته داخليدو اجازه ورنه کړای شوه او هماغه وه چې يادې کورنۍ څلور کلنه کاينات يو پردي کس ته تورخم کې وسپارله ترڅو پاکستان ته يې يوسي او د خپلوانو په لاس يې ورته درملنه وکړي.
د يادې انجلی کورنۍ دا هم ويلي چې که څلور کلنه کاينات روغه نه شي او خپل ژوند له لاسه ورکړي نو هماغه پاکستان کې دې خاورو ته وسپاري.
کاينات پاکستان کې نورو خپلوانو ته وسپارل شوه او يادې پيښې د ځايي چارواکو پام ځانته کړ.
ځينو ټولنيزو رسنيو له لارې د يادې انجلی کيسې د خلکو پام ځانته اړولو ورسته اوس کاينات د پيښور په رحمن ميډيکل سينټر کې درملنې لاندې ده.
اسلام ګل افريدي يادې پيښې په اړه بشپړ رپوټ لري چې دلته يې اوريدلی شئ.
