په تازه مورد کې د شنبې په ورځ د افغانستان د سولې او عدالت خوځښت د تغیر په شعار خپل موجودیت اعلان کړ.
د افغانستان په تېر جمهوري نظام کې د بهرنیو چارو وزارت د پخواني وزیر محمد حنیف اتمر او د ملي امنیت ادارې پخواني رییس محمد معصوم ستانکزي په ګډون ددغه حرکت اکثریت غړي د افغانستان د پخواني حکومت سیاسي او نظامي څیرې، د مدني ټولنې غړي، میرمنې او یو شمېر متخصیص دي.
دغه حرکت په خپله لومړنۍ انلاین غونډه کې د شنبې په ورځ په افغانستان کې د تغیر غوښتنه وکړه.
ددغه حرکت غړي او د افغانستان د تېر جمهوري نظام د بهرنیو چارو پخواني وزیر محمد حنیف اتمر وویل، د دې حرکت موخه په افغانستان کې سوله او یو داسې نظام جوړیدل دي چې د خلکو په اراده او رایه جوړ او کورنۍ او نړیوال مشروعیت ولري.
ښاغلي اتمر زیاته کړه د اوسني نظام نه مشروعیت هغه بحران رامنځته کړی چې د نورو بحرانونو د حل لاره يې په تپه درولي ده.
نوموړي په دې غونډه کې همدارز وویل، د دوحې تړون عملي شوی نه دی او د جمهوري نظام په سقوط کې د دې نظام مشران، طالبان او بهرنیان ملامت وو.
دا او نور سياسي خوځښتونه مو سياسي شنوونکو له نظره څيړلي چې په اړه يې بشپړ رپوټ دلته اوريدلی شئ.
